Сіз бен біздің кредиттік абыройымыз кәдімгідей ұпаймен белгіленеді. Оны қаржы тілінде «скорбалл» (scoreball) деп атайды. Скорбалл — адамның кредиттік беделін санмен көрсететін баға. Соған қарап кредиторлар сіздің қаржылық тәртібіңізді бағалайды.
Қарапайым мысал түрінде айтсам, банк немесе қаржы ұйымы сізге кредит берер алдында ойланады: «Бұл адам бізге қарызды уақытында қайтара ала ма? Сенімді клиент пе?» Осы сұраққа жауап табу үшін олар скорбалға жүгінеді.
Ол:
📍кредитті уақытында төлегеніңізге,
📍бұрын қарыз алған-алмағаныңызға,
📍қаншалықты жиі кредит алатыныңызға,
📍қарыздарыңыздың көлеміне байланысты есептеледі.
Неғұрлым скорбалл жоғары болса, соғұрлым банк сізге сенеді. Ұпай көрсеткішіңіз жақсы болса, сізге кредит алу жеңіл деген сөз.
Скорбалл: рейтингімізді қалай тексереміз?
1. Телефонға eGov Mobile орнатамыз
2. Авторизация жасаймыз
3. «Басқа қызметтер» бөліміне өтеміз
4. «МКБ»-ны таңдаймыз (МКБ — Мемлекеттік кредиттік бюро)
5. Рұқсат береміз (осы жерде қанша кредит шарты барын көруге болады)
6. «Кредиттеу» бөлімін таңдаймыз. Осы тұста 3 нұсқа пайда болады:
🔹 Кредит бойынша мәліметтер
🔹 Скорбалл
🔹 Кредиттік есеп
«Скорбалл» түймесін басамыз. Сол кезде сіздің скорбалл шығады. Рейтингіңізге қарап, төлем қабілетіңізді көре аласыз. Ол жерде 7 түрлі рейтинг белгіленген. Ең төменгісі — «G» рейтингі. Өте жоғарысы — «А» рейтингі. Сіз бен біз өз мүмкіншілігімізге қарай «А» мен «G» ортасында бағаланамыз. Соған көз жеткізіп көрсеңіз болады.
Біздің телеграмға жазыл: https://t.me/qarzhylyq_sauat
«ҚАРЖЫЛЫҚ САУАТ» ЖОБАСЫ
